Сёння прапануем вашай увазе інтэрв’ю з Аляксеем Аўчыннікавым, вельмі цікавым беларусам, які робіць шмат карысных спраў не толькі для Беларусі, але і ўсяго свету.
– Вітаем! Хто такі Аляксей Аучыннікаў тут і зараз?
Кліматычны і экалагічны актывіст, эксперт і журналіст з Беларусі, які зараз пражывае ў Сакартвэла.
– Што такое EcoJara?
EcoJara (ЭкаДжˋара) – экалагічная ініцыятыва, мы працуем як валанцёрскае медыя. Зараз касцяк EcoJara – тры чалавекі і ўсе з Беларусі.
Усё пачалося з эка-гуртка, які мы рабілі у АБФ. Калі я апынуўся у Сакартвэла, я зразумеў, што добра будзе больш распавядаць пра экалогію і клімат, і як раз гэта супала са знаёмствам з АБФ. Мы пабачылі, што на гурток ходзяць адны і ты я ж людзі, якім цікава займацца экалагічнымі і кліматычнымі справамі, актывізмам.
У нас быў доўгі час фарміравання інцыятывы і мы зразумелі, што нам зручнее працаваць як медыя, дапамагаць іншым экалагічным ініцыятывам у Грузіі. На гэтым мы зараз канцэнтруемся, але у нас ёсць праекты, якія звязаны не толькі з медыя:
- З дапамогай АБФ, мы робім устойлівыя паказы кіно раз на 2 тыдні.
- Працягваем рабіць ініцыятыву My cup, please у Сакартвэла. Яе мэта — каб мага больш кавярань разлівалі гарбату і каву ў кубкі, якія прыносяць з сабой людзі. Гэта скарачае выкарыстанне аднаразовага посуду. Мы працуем над тым, каб кавярні рабілі зніжку для людзей са сваімі кубачкамі.
- Дапамагаем праекту parki ar minda (у перакладзе з грузінскай – “пакет не патрэбен”) рабіць мапу, на якой паказаны кропкі сартавання смецця: пластык, пэт і г.д.
- Робім лекцыі. Напрыклад, у нас была лекцыя па палітыцы звязанай з адаптацыяй да змены клімату. Мы намагаемся рабіць больш дэцэнтралізаваныя лекцыі, каб кожны і кожная мелі магчымасць распавесці аб разнастайных экалагічных ініцыятывах, напрыклад пра фрыганства у Батумі, пра фрымаркет.
- Распрацовываем асобны праект па сартаванню смецця, гарадскім агародам, адаптыўным экалагічным практыкам.
- Супрацоўнічаем з іншымі экалагічнымі і зоаабарончымі ініцыятывамі Батумі, такімі як Clean Rivers, DogCatBatumi, Recycleloc.
Адным словам, спрабуем працаваць як мага больш, наколькі дазваляе валанцёрскі час.
– Аляксей, распавядзі, калі ласка, ці узаемадзейнічайце вы з грузінскімі эка-ініцыятывамі і арганізацыямі і калі так, як адбываецца гэта ўзаемадзеянне?
Я знаём з грузінскімі арганізацыямі, напрыклад, з Зялёнай альтэрнатывай, Ricdog. Так, на пачатку года была адна сустрэча-знаёмства, якую ладзіла Інтэракцыя, беларуская рэлацаваная ініцыятыва. Арганізацыяй экалагічнай панелі займаліся я, прадстаўнікі і прадстаўніцы EcoJara. Тады мы паклікалі Нукзарі з Ricdog, Таццяну Рэмнёву з parki ar minda.
Каб больш развіваць экалагічныя ініцыятывы менавіта ў Грузіі нам зараз патрэбен чалавек, які ці якая добра валодае грузінскай мовай. Гэта вельмі важна для устойлівай працы – уключаць у яе мясцовых жыхароў і жыхарак.
Другая частка майго жыцця звязана з экалагічным рухам у Беларусі і я даволі актыўна ўдзельнічаю ў CAN (Climate Action Network) рэгіёну Ўсходняга Эўропа, Каўказ, Цэнтральная Азія. Там ідзе больш актыўная і бачная праца з экалагічнымі арганізацыямі Беларусі, Грузіі, Арменіі, Кыргыстана, Казахстана. Праз працу гэтых арганізацый мы намагаемся паўплываць на кліматычную палітыку ўсяго свету.
– Аляксей, дай нам, калі ласка, некалькі экалагічных парад.
- Вядзіце экалагічны лад жыцця
Удзельнічайце у фрымаркетах – абменах рэчамі. Набывайце больш якасныя рэчы, адзенне, абутак, каб тэрмін іх выкарыстання быў больш доўгім. Цікаўцеся арганізацыямі, якія працуюць на радзіме і падтрымлівайце іх*. - Спажывайце менш тавараў. Купляйце толькі неабходнае та якаснае.
Адна з найбольшых экалагічных праблем сёння – смецце. Так, добра яго сартаваць, але ж калі ў вас увогуле застаецца не шмат чаго на выкід – то гэта лепш за ўсё. - Скарачайце вугляродны след
Купляйце тавары, ежу краіны ў якой жывяце – не вытрачаюцца рэсурсы на іх дастаўку. Карыстайцеся грамадскім транспартам і цягніком – гэта значна ўплывае на зніжэнне узроўню вуглроднага следу. - Цікаўцеся навінамі, артыкуламі
Будзьце не напружаннымі ад жудасных навін, а зацікаўленнымі у тых, якія даюць адказы на пытанне што мы можам зрабіць каб дапамагчы і пазітыўна паўплываць на кліматычную і экалагічную сітуацыю. Назірайце, як прырода “працуе”, як адаптуецца і вы зразумееце яшчэ больш, чым з навін. Мяняйце свае жыцце такім чынам, каб мы маглі адаптавацца да зменаў і паменьшыць свой негатыўны ўплыў на гэтыя змены.
– Як пачаць цікавіцца прыродай?
У Аджарыі шмат розных раслін з усяго свету і даволі цікава, калі ты пачынаешь пра іх чытаць. Напрыклад, ёсць такая ліяна кудзу ці пуэрарія, яна пакрывае шчыльным зялёным покрывам вялікія тэрыторыі. У Кітае яна лічылася вельмі важная раслінкай, а у Японіі ёсць кудзімоці, японцы выкарыстоўваюць яе у ежу. Гэта даволі агрэсіўны інвазіўны (распаўсюджанне якога паграджае біялагічнай разнастайнасці) від, але ж вельмі цікавы. Калі я распавядаю людзям пра гэтую ліану, яны пачынаюць пра яе больш чытаць і дзівяцца “Вау!” і так паступова-паступова ўцягваюцца)
Яшчэ назіранне за прыродай – добрая дапамога вучоным. Ёсць такі дадатак Айнатураліст, які дапамагае зібраць дадзеныя і праз гэтыя дадзеныя вучоныя могуць разумець, як змяняюцца экасістэмы.
Напрыклад, я таксама займаюся аналізам экалагічных даследванняў наследкаў вайны ва Украіне, і ў гэтай сувязі вучоныя раюць выкарыстоўваць iNaturalist, запампоўваць фота флоры і фауны, якія вы знаходзіце, яны трапляюць у адкрытую базу, да якой маюць доступ вучоныя. У Грузіі не так шмат такіх даследчых суполак, гэта ніша вольная. Ёсць магчымасць сабраць сваю суполку і пачаць свае даследванні у межах гэтага дадатку.
Бліц тры на тры)
– Тры рандомных факта пра цябе
Я па адукацыі філёсаф
Я дрэнна плаваю, амаль што ня плаваю
Я граю на бас-гітары
– Тры чалавекі/праекты/ініцыятывы, якія моцна на цябе пауплывалі ў гэтым годзе
Лера, мая лепшая сябра, мая жонка, лічу, што узаемадзеянне з ёй моцна ўплывае на мяне та яе погляд на жыццё мяне вельмі натхняе.
Места, якое мы пачалі рабіць у Батумі і якое праходзіць амаль усе магчымыя стадыі трансфармацыі. Гэта месяца, якое было вельмі забруждана, там было шмат наследкаў ад людзей, якія ужываюць наркотыкі. Мы зрабілі за кароткі час амаль з гаўна і палак цікавую прастору, прычым рабілі гэта дыцэнтралізавана, каб не было адной_го чалаека, які ўсім кіруе.
Мяне вельмі натхняюць мае ўкраінскія сябры. Я разумею у якім складаным стане яны знаходзяцца і тым не менш, яны на шмат больш аптыместычныя, чым некаторыя мае знаёмыя беларусы. Бачна што ў іх жыцце б’е: яны працуюць, плануюць, дапамагаюць, яны шмат чаго робяць! Я спадзяюся, што мая праца дапаможа свабоднаму і шчасліваму жыццю маіх украінскіх сяброў і сябровак.
– Тры твае дасягнянні/скілы, якія ты набыў за гэты год
Стаў трохі менш лянівы. Калі я бачу што нешта трэба рабіць, асабліва калі разумею, што мае дзеянні могуць дапамагчы іншым людзям ці паўплываць на сітуацыю, змяніць яе – я падымаю сябе і раблю гэта.
Спадзяюся, што я пачаў больш прымаць хаос. Трэба быць адаптыўным, каб не ламацца і не выгараць, калі нешта ідзе не па плану.
Намагаюся больш цаніць свабоду іншых людзей. Усе што не дае нам быць свабоднымі – тое нас разбурае.
– Дзякуй, Аляксей, за тое што згадзіўся выдзеліць свой час, за тваю працу па выратаванню нашай планеты!
* беларускія экалагічныя ініцаятывы, якія працягваюць працаваць у Беларусі і якія можна і неабходна падтрымліваць
- ЭкоИдея
- Гарадскі агарод MarisMarбеларускім ініцыятывам, якія шмат чаго робяць ў Сакартвэла таксама важна наша падтрымка:
- Interakcia
- Зялёны партал
